Sodalitas Latina Veronensis

sodalitaslatinaveronensis@gmail.com

Archive for the category “Uncategorized”

Die Iovis 17/5 Ovidius praelegetur

Amici, sodales, die Iovis proximo 17/5 Riki et Antonella praelegent nobis versuus Ovidii de armis Achillis, adeste quam plurimi!

Loci legendi

Advertisements

Die 19/4 hora quinta de dialogo Galilei loquemur, Iosepho duce.

galileiAmici, amicae, fautores Latinitatis omnis aevi, die 19 mensis Aprilis hora quinta, in aedibus Bibliothecae Civicae Veronensis, Josephus Cannavò de dialogo “De duobus maximis Mundi systematibus” eiusque interpretatione Itala orationem dicet, excutiet locos Latinos et Italos, disputabit nobiscum. Adeste quam creberrimi!

Inscriptio

Versio Itala

Versio Latina

Die Iovis 15/3 Tibulli carmen praelegetur

Salvete Sodales! Idibus Martiis non Caesarem illum, sed Tibullum legemus, in aedibus Bibliothecae Civicae, ut mos est nobis, hora quinta post meridiana. Usque ad horam sextam cum dimidiam. Pagellae excutiendae heic infra invenietis. Adeste quam plurimi!

Tibulli carmen 1,5

Die 18/2 celebrabitur Dies Latinitatis VIII Veronae

verona-1

Dilecti sodales, amicae optatissimae, amici optimi: die Domini 18 mensis Februarii conveniemus in aedibus scholae “Angelorum”, haud procul a statione ferriviaria urbis Veronae, ut unum integrum diem una degamus ad Latinitatem colendam. Pretium totius diei erit 25 eurones. Iuniores discipuli qui adhuc scholam frequentant 15 eurones solvere poterunt. Hic erit ordo rerum agendarum:

hora 9 conveniemus in aedibus, nomen dabimums et pecuniam solvemus. Participes in duos greges dividentur: grex mediocris et grex peritiorum,

ab hora 9-30 usque ad 11: prima sessiuncula.

ab hora 11 usque ad 1230: secunda sessiuncula.

ab hora 13 usque ad 14 prandium sumemus in propinqua popina.

ab hora 1430 usque ad 16: tertia sessiuncula.

ab hora 16 usque ad horam 17, iterum in unum gregem redacti, loquemur de rationibus docendi – hoc anno Alexander moderabitur gregem de doctrinis methodisque Americanis quae CI et TPRS vocantur.

Propter novam naturam sessiuncularum huius anni, vehementer suademus sodalibus ut in antecessum legant locos de quibus agetur. Exercitia enim proponentur ad vivam linguam Latinam exercendam, quae materiam suam sument ex locis propositis, ideo alicuius momenti erit sodales locos iam legisse.

Si volueritis diei Latinitatis interesse, facite quaeso nos certiores: sodalitaslatinaveronensis@gmail.com

 

Grex peritiorum:

Salutati

Quintilianus

Ovidius

 

Grex mediocris:

Gothofredus Monmouthensis

Florentinus de Worchester

Pericula Heraclis (locus dabitur in ipsa sessiuncula)

Caveat sodalis! Die Iovis 25/01 non conveniemus!

Salvete amici, pro dolor, ob aegritudinem aliasque causas, die 25/1 non conveniemus.

Die Veneris 15/12 Livius praelegetur

Dilectissimi sodales, die Veneris 15/12 Henricus noster praeleget nonnullas pagellas Titi Livi, libenter vos in Bibliotheca Civica Veronensi accipiemus. Sultis ante praelectionem lineas legere, heic infra ligamen invenitur.

Pagellae Livianae

Die Iovis 2/11 prima sessio celebrabitur

Sodales, amici, amicae: prima sessio huius anni celebrabitur die Iovis 2/11 hora quinta in Bibliotheca Civica Veronensium. Alexander noster praeleget pagellas lepidas ex interpretationibus Latinis librorum pueris destinatorum, videlicet:

Harrius Potter et Philosophi Lapis

Winnie Ille Pu

Maria Poppina

Ligamina pulsate ut locos depromatis legendos!

Die Domini III mensis Septembris dies Latinitatis celebrabitur Veronae in via Provolo numero 16 signata. 

Amici, amicae, ut mos est nobis congrediemur Veronae ad Latinitatem colendam a mane ad vesperum.

Die enim Domini, III Septembris ab hora nona usque ad quintam post meridianam, in aedibus Instituti a Joanne Bosco nominati (Stradone Provolo 16, Verona), sodales dividentur in greges secundum virtutem legendi Latine, et dabunt operam per ludos, per lectiones et varia genera exercitiorum ut Latinitatem suam firmiorem ampliorem tutiorem reddant.

Sultis nobiscum esse, mittite quaeso e-pistulam huc: sodalitaslatinaveronensis@gmail.com

25 eurones erunt solvendi sodalibus ut diei intersint.

Hic infra invenietis locos legendos:

Loci Legendi

Valete!

Die Iovis Kal. Iun. Iosephus praeleget Epistulam Pauli VI Marcello Lefebvre

Amici, die 1/6 Josephus noster Cannavò praeleget Epistulam quam Pontifex Paulus VI misit Marcello Lefebvre anno 1976. Adeste quam plurimi! 

Epistula Pauli VI

Die Iovis 11/5 Gellius praelegetur

Amicae, amici, vobiscum omnibus libenter congrediemur die 11 mensis Mai hora 17 in aedibus Bibliothecae Civicae Veronensium. Illic sodalis noster Henricus, Alexandro socio, praeleget nonnullas pagellas ex Gelli Noctibus Atticis. Heic infra tradimus paginas Gelli nec non interpretationem a Georgio Bernardi-Perini conscriptam. Adeste quam creberrimae et creberrimi! 

Noctes Atticae

Interpretatio

Post Navigation