Amici, die XI mensis Decembris Iosephus noster Cannavò – qui maxime studet rebus subterraneis Tartareisque regnis – praeleget nobis fabulam Orphei et Euridices. Nisi furias inferas lacessere vultis, adeste quam creberrimi!
Amici, die XIII Novembris legemus nonnullas epistulas Erasmianas; Roterodamus noster, tulliana eloquentia praeditus, de conventu cum Canossa et de typis Aldinis perbelle loquitur. Alexander noster, quantum poterit, conabitur illas paginas praelegere in aedibus Bibliothecae Civicae Veronensium ab hora XVII usque ad XVIII cum semihora.
Adeste quam frequentissimi!
Sodalitas Latina Veronensis 